اللى حصل فى المطار من اول هاى لحد باى

هاى شباب
تعالوا يلا احكلكم على اللى حصل انهارده فى المطار من اول هاى سيراج لحد باى سيراج

انا اول ما وصلت كان سيراج واقف وبيتكلم فى التليفون وكان حوالى كل اللى موجودين 5 شباب دخلت انا وصحبتى ووقفنا مش عارفين نسلم ولا نتكلم ومش مصدقه نفسى خالص
لاقيت سيراج خلص تليفون وجه سلم علينا وقالنا ازيكم
وبعدها بثوانى دخلت رحاب ودينا وسلموا عليه
وشويه جه هشام والبنوتين اللى كانوا مقدمين مع محمد بس متقبلوش
وكانت الهيصه لسه بتدتش اوى ومحمد كانت جياله تليفونات كتير

وفجأة

شباب المنصورة وووووووووووصل اصحاب سيراج واهله ومن هنا بأه ابتديت الهيصه
كله داخل ينده سيراااااج وكله بيغنى بوم بوم تك تك ياسيراج ياسيراج والزغاريط اشتغلت
وكانت حاجه فوق الخيال

وفضلوا يهيصوا وقلبوا المطار وفى ناس بقت تيجى تسأل هو مين اللى جه ونقلها ده محمد سيراج احلى طالب بستار اكاديمى 6
وفضل محمد يتصور مع الناس ويمضى للناس على صور و اى تليفون جاله رد عليه
وطلبنا من محمد يغنى راح خد الجيتار وغنى ( اليومين اللى فاتوا )

وبعدين طلعنا بره الصاله شويه فى الشمس بأه اللى حصل فى المطار من اول هاى لحد باى Smile

اللى حصل فى المطار من اول هاى لحد باى Smile

و معظم الوقت كان ناس بتتصور وناس طالبة امضاءات و محمد فضل يحى شويه عن ستار اكاديمى

وبعدين حان اصعب وقت وهو وقت الفراق كله سلم على محمد علشان كان خلاص لازم يمشى ويرجع ينور المنصورة

بجد ياجماعه انا عن نفسى هموت من الفرحه محمد اطيب واجدع انسان شفته عسول جدا متواضع جدا طيوب جدا وبيحب منتداه وكل اعضائه من قبل ما يشفهم
واهله واصحابه مش هقدر احكلكم عليهم ناس تشرف بجد ربنا يخليهم لمحمد
ووعدنا انه هيدخل اكيد المنتدى قريب جدا يلا استنووووووووووووووووووووووه

وباى باى سيراج بنحبك موت ومتتاخرش علينا

و بوم بوم تك تك ياسيراج ياسيراج ياسيراج

منقول من موقع سيراج الرسمى